Rung final ka Rising Star haka T20 ka AJCA

Syllad | The Rising MeghalayaApril 5, 2021

Ka Rising Star ka la khur iaka  nam jop haka semifinal ba ar  jong ka Open To All T20 Cricket Tournament 2021 ka All Jaintia Cricket Association (AJCA) da kaba pynliem da 6 wicket iaka Khliehtyrshi SC haka jingiakhun kaba long haka sngi Nyngkong ha madan Jrisaleiñ, Chutwakhu, Jowai.

Ha kane ka jingiakhun ka Khliehtyrshi SC kala jop iaka jingkynting pisa bad kala kam trai ban tied shuwa. Ka Khliehtyrshi kala kamai 93 ron naka 20 over bad liem 5 wicket.

U Timmi Ryngkhlem u la kamai  17 ron (3×4), u D Bang pat u la kamai 15 ron (2×6)), U Sanki Pakyntein jong ka Rising Star u la ioh khur 3 wickets na ki 4 Overs.

Ka Rising Star haba poi ka pali jong ka ban tied kala kamai 94 ron na ki 9.2 over bad ka la duh noh  4 wickets.

U Yutang Kma u la kamai 25 ron (3×4 bad 2×6), u Dawanroy Nongpluh pat u la kamai 21 ron (2×4 wa 2×6). U Conard R Sana  jong ka Khliehtyrshi Sports Club u la ioh khur 2 wickets na ki 1 Over.

Da kane ka namjop ka Rising Star kan aireng pyrshah iaka Umshangiar ha ka Final ka ban long ha ka  10-04-2021 ha ka por 9:30 mynstep.