Rung final ka Newhill haka 3rd Div WJDSA

Syllad | The Rising MeghalayaSeptember 3, 2024

Ka Newhill ka lah ha kaban buh jaka ialade haka kyrdan jong ka final haka 3rd Division Football Tournament – 4th Adelbert Laloo Memorial Trophy kaba pyniaid da ka West Jaintia District Sports Association (WJDSA).

Kane kala wan hadien ba kala pynliem da ka tie breaker da 4-2 pyrshah iaka Mihmyntdu Lumpyrtuh haka jingialehkai semifinal kaba nyngkong kaba long ha madan Kiang Nangbah Stadium haka 3 tarik Nailur.

Haka jingiakhun katkum ka por bala buh ka jingiakhun kala wai khlem don mano mano ba ioh pynkhih iaka jar kumjuh haka extra time ruh ym don ba ioh ban pynkhih iaka jar. Dei hadien ba la rah iaka jingiakhun sha ka tie breaker ka Nehwill kala jop da 4-2.

Haba phai shaka jingialehkai 2nd Division Football Tournament-7th Debo Shullai Memorial Trophy, ka Mukhla Umlangshor jop iaka Khliehmynkrem da 3-2.

Iaki kol jong ka Mukhla Umlangshor la thep da u Rio Lyngdoh (18, 58) bad u Nio Sumer haka minit kaba 67. Katba iaki kol jong ka Khliehmynkrem la thep da u Mebanker Challam (16) bad u Daman Nongjngi (65).