Rung final ka Nangbah Dukhu haka 2nd Div ka WJDSA

Syllad | The Rising MeghalayaOctober 7, 2024

Ka Nangbah Dukhu kala lah ha kaban buh jaka ialade haka kyrdan jong ka final hadien ba kala lah ban pynliem da 2-1 iaka Panaliar haka jingialehkai semifinal kaba nyngkong haka 2nd Division Football Tournament kaba pyniaid da ka West Jaintia District Sports Association (WJDSA).

Ha ka jingialehkai kaba long ha Kiang Nangbah Stadium haka 7 tarik Risaw, ka jingialehkai hapdeng kine ki ar liang ka long kaba iathain bha ha kaba ka kylla step ka la kut khlem don mano mano ba ioh pynkhih jar.

Dei haka kylla miet, kine ki ar liang mamla kila pyrshang ban ia ñion markylliang ban ioh thep kol. Pynban kala shimpor haduh kiba minit kiba khatduh ha kaba Nangbah Dukhu kala ioh iaka kabu ksiar ban pynkhih nyngkong iaka jar lyngba u Shanlang Thubru (72) bad tang hadien ar minit u Thuara Nampui (74) ula ioh biang ban pyntam shikol kaba la ai mynsiem iaka kynhun ialehkai ka Nangbah Dukhu ban ioh khur iaka namjop.

Ka Panaliar ruh hadien ba kala shah tam da ar kol kala pyrshang tyngeh ban ban bor iaka Nangbah Dukhu ban ioh thep kol, hynrei kam shym la ioh iaki kabu ksiar kiba paka. Dei haka por bala pynjan kala ioh ban thep shikol lyngba u Sam o wan Sumer (80+7) bad lap ba kut noh ka por iakhun.

Lashai ka sngi ka jingialehkai Semi final ka ba ar kan long hapdeng ka Lion Sports & Youth Affair pyrshah iaka Lumbhahdakha haka por 2.00 baje nohphai.