Rung final ka Latyrke SC bad ka Biate Unted FC haka 1st Division ka Saipung Block SA

Syllad | The Rising MeghalayaNovember 16, 2021

Ka Latyrke SC bad ka Biate United FC kila jop haka jingiakhun semifinal pyrshah iaka Mynthning SC bad ka Larket SC haka 1^st Division Football kaba pyniaid da ka Saipung Block Sports Association (SBSA) kaba long ha madan Lamyrsiang haka sngi ba Ar.

Haba phai sha ka jingiakhun baroh ar tylli kine ki jingiakhun la rai iaka jingjop da ka jingshut tie breaker.

Ka Latyrke kala jop da 3-1 iaka Mynthning bad ka Biate United kala jop da 4-3 iaka Larket.

Haka jingiakhun katkum ka por bala buh ka Biate United FC ka la ioh ban pynkhih jar nyngkong lyngba ha ka minit kaba 59 bad shuwa ban kut ka por iakhun ka Larket kala tan kylla iaka jingiakhun sha kaba iakhaid haka minit kaba 80.

Da kane namjop ka Latyrke bad ka Biate United haka aiom ban wan kin ialehkai haka Super League ka SBSA, la ong u General Secretary SBSA Rimi Chadap.