Rung final ka FAM bad ka Sabahmuswang haka U-13 Republic Day Cup ka WJDSA

Syllad | The Rising MeghalayaJanuary 22, 2024

Ka Sabahmuswang bad ka FAM ki la rung shaka jingiakhun phainal jong ka jingialehkai football ki khynnah Under-13 Republic Day Cup Football Tournament kaba la pyniaid da ka West Jaintia District Sports Association (WJDSA).

Kane ka la wan hadien ba ka Sabahmuswang ka la pynliem iaka Catholic Youth da 2-1 katba ka FAM ka la pynliem iaka PSA da 3-1 haka jingiakhun Semifinal kaba la long ha madan Kiang Nangbah Stadium, Jowai haka sngi Nyngkong.

Na kaliang ka Sabahmuswang la thep da u Wandari Lyngdoh haka minit kaba 7 bad u Deiwaemitre Shylla haka minit kaba 54. Shi kol ka Catholic Youth la thep da u Wandame Phawa haka minit kaba 3.

Iaki kol jong ka FAM la thep da u Dawnihi Shylla haka minit kaba 2, u Dachanmitre Dkhar haka minit kaba 15 & 55. Shikol jong ka PSA la thep da u Aiborlang Mulieh haka minit kaba 29.