Rung final ka EKH, WJH, YTBC haka 36th State Badminton Championship

Syllad | The Rising MeghalayaAugust 30, 2019

JOWAI: Ka lympung ïalehkai 36th State Badminton Championship kala poi sha kaba kut lashai ka sngi Nailar 31 bad yn wan ban pynhap pyrda ïa kane ka lympung da u MLA ka Jowai u Ma Wailadmiki Shylla ha Khimusniang Indoor Hall, Jowai.

Ha kane ka lympung kiba ïoh rung bun sha ka final ki kynthup ïaka East Khasi Hills, West Jaiñtia Hills bad ka YTBC, Mawlai.

Ka West Jaiñtia District Badminton Association (WJDBA) kaba long ka nongpdiang ban pynlong ïa kane ka lympung da ka jingkyrshan ka Meghalaya State Badminton Association (MSBA) kala ïoh ban rung final haki 14 tylli ki jingïakhun final naduh ka kyrdan U-13 Boys, U-15 Boys, U-17 , U-19 bad kumjuh haka kyrdan senior.

Katto katne ki resol na ka jingakhun semifinal haka sngi ba lai haka kyrdan Mens Single , u Andrew Lotzem (EKH) ula pynliem ïa u Mebanker Shullai (WJH) da 21-11, 21-08, u Rituraj Nag (EKH) ula pynliem ïa u Faizan Ahmed (EKH) da 21-18, 21-12.

Haka Women Single, ka Pretty Singh (EKH) kala pynliem ïaka Banadien Rapsang (EKH) da 21-13, 21-11, ka Sangita Singh kala jop ïaka Shailia Chetri da 21-14, 21-09.

Haka U-19 Boys Single, u Andrew Lotzem (EKH) ula pynliem ïa u Rishanmio Bamon (YTBC) da 21-06, 21-05.

Haka U-19 Girls Single ka Elsarica Umdor (TYBC) kala jop ïaka Sheetal Joshi (EKH) da 21-12, 21-17.

Haka U-13 Girls, ka Pratiksha Joshi (EKH) kala pynliem ïa ka Tipsngi Niang (WJH) da 21-05, 21-02, ka Sophialaky Dkhar (YTBC) kala pynliem ïaka- Sneha Chetri (EKH) da 21-05, 21-12.

Haka U-13 Boy Single u Pratham Majunder (EKH) ula pynliem ïa u Leminelson Suchiang (WJH) da 21-15, 21-10.

Haka U-15 Girls Single ka Anginora Momin (EKH) kala jop ïaka Prathana Tamang (EKH) da 21-11, 21-12, Pratiksha Joshi (EKH) kala jop ïaka Tanvi Ghimeri (EKH)da 21-15, 21-10.Haka U-15 Boy Single u Mohit Joshi (EKH) ula jop ïa u Amchangbirth Sangma (EGH) da 21-12, 21-17.

Ki Khynnah ïalehkai jong ka West Jaintia Hills kila ïoh rung sha ka final u Hrisami Passah ula rung sha ka final U-19 hadien ba ula pynliem ïa u Faizan Ahmed (EKH) da 21-18, 25-23.

u Armanroy Bamon (WJH) ula pynliem ïala u jong u paralok u Ritredame Nongpluh (WJH) da 18-21, 21-18, 21-18 bad u Aebhami Bareh (WJH) ula pynliem ïa u Aron Momin (EKH) da 21-17, 23-21.

U Hrisami ula jop ruh haka semi final jong ka double bad u Mebanker Shullai bad ka Dorathy Challam kila jop pyrshah ïaka East Khasii Hill haka jingiakhun semifinal mixed double senior.

Ka jingiakhun final jong kane ka lympung kan sdang naduh ka por 9 baje mynstep lashai ka sngi ha katei ka indoor hall.

Ki pleïar WJH kiba rung sha ka final:
U13 Boys Doubles-Aebhami Bareh & Leminelson Suchiang
U19 Mixed doubles-Hrisami Passah & Josefina Passah
U13 Boys Single-Aebhami Passah
U15 Boys Doubles-Ritre Nongpluh & Sambul Lamare
U15 Boys Doubles-Owawan Bareh & Armanroi Bamon
U15 Boys Single-Armanroi Bamon
U19 Boys single-Hrisami Passah
U19 Boys Doubles-Hrisami Passah & Burom Lakiang
U19 Boys Doubles-Deilang Nongpluh & Wompher Laloo
U17 Boys Doubles-Gregoreo Passah & Deilang Nongpluh
U17 Boys Doubles-Rapki Chyrmang & Ritre Nongpluh
U17 Boys Single-Greogoreo Passah
U17 Boys Single-Deilang Nongpluh
Senior Mixed Doubles-Mebanker Shullai & Dorothy Challam.