Rung final ka Diengshynrum bad ka Hingaria haka Second Division ka EJHDFA

Syllad | The Rising MeghalayaSeptember 16, 2023

Ka Diengshynrum bad ka Iatyllilang Hingaria kila rung sha ka final jong ka second division football tournament kaba pyniaid da ka East Jaintia Hills District Football Association (EJHDFA)

Kane kala wan hadien ba kine ki ar kynhun kila jop haka jingialehkai semifinal kaba long ha madan artificial turf ha Diengshynrum haka sngi Saitjain.

Ka Diengshynrum kala pynliem da 1-0 iaka Pamrakmai. Ia kane ka shikol la thep da u Bewithus Sympli 71’.

Ka Hingaria kala jop da 2-1 iaka Jalyiah Utd. Ia kine ki ar kol ka Hingaria la thep da u Zinedan Lamin 16’ kaba mih paw haka dur ka penalty tang hapoh 16 minit bala iaid ka jingiakhun jong ka kyllastep. Tang hadien katto katne por, ka Jalyiah kala tan kylla iaka jingiakhun sha kaba iakhaid da ka kol kaba la thep u Tanlang Dkhar – 26’.

Da kane ka jingiakhaid ka jingialehkai kala shongshit bad kine ki ar liang mamla kila tynjuh bor ban ioh thep kol. Pynban ka shimpor haduh ka minit kaba 64’ ka Hingaria kala ioh ban pyntam sa shikol kaba la neh haduh bala kut ka por. Ia kane ka kol la thep da u Dikon Lapasam.

Kumta na kane ka namjop kine ar liang kin pynkhreh ban mih madan ban iaknieh iaka nam lahduh mynta ka aiom haka 23 tarik Nailur haka por 2:30PM.