Reservation Policy: Hapoh u Nailar yn aiti u CS ia ka jingai jingmut halor ka kaiphod ka Expert Committee 

Syllad | The Rising MeghalayaJune 21, 2025

U Chief Secretary ka Jylla u Bah DP Wahlang un sa aiti ia ki jingai jingai jingmut halor ki sienjam ban shim da ka sorkar jylla ha kaba iadei bad ka kaiphod jong ka Expert Committee halor ka State Reservation Policy hapoh ka 31 tarik Nailar.

“Ka Kynhun Myntri ka la bynshet ia ka kam ban pule bniah ia ka kaiphod ha nga bad ngan sa aiti ia ka kaiphod hapoh ka 31 tarik u Nailar,” ong u Bah Wahlang haba kren sha ki lad pathai khubor haka sngi Thohdieng.

“Hadien ba la dep ban pule bniah ia ka kaiphod jong ka Expert Committee, ngan sa ai ia ka jingai jingmut kaba pura bad ia ki sienjam ia kiba yn sa shim hapoh jong ka 31 tarik u Nailar,” u la bynrap.

Ha ka 13 tarik Jylliew, ka jingialang jong ka Kynhun Myntri ka la bynshet ha u Chief Secretary ba un pule bniah ia ka kaiphod ba la aiti da ka Expert Committee kaba bishar bniah ban pynkylla thymmai ia ka Job Reservation Policy ka Jylla.

Katkum ka jingpynpaw da u Myntri sorkar u Bah Paul Lyngdoh ia ka jingbatai lyngkot halor ka kaiphod kaba jrong yn sa wanrah hapoh ka Kynhun Myntri.

Ia ka kaiphod kaba pura yn sa wanrah ha ka miej jong ka Iingdorbar thaw ain ka jylla kaba la buh ban long ha u bnai Nailur 2025,” pyntip u Myntri.

Ka Expert Committee ba la khlieh da u Justice (Retired) Mool Chand Garg ka dei kaba la thung da ka sorkar jylla ha ka 12 tarik u Nailur 2023 ban bishar thymmai ia ka Reservation Policy ha ka jylla hadien ka jngdawa pynkylla na kiba bun balang.