Rakhe World Environment Day ka Dorbar Shnong Chilliangraij

Syllad | The Rising MeghalayaJune 5, 2020

Ka Dorbar Shnong Chilliangraij, West Jaintia Hills District kum shibynta ka jingleh burom ia ka World Environment Day (WED) mynta ka sngi kala pynlong iaka jingpynkhuid iaka wah Myntdu da kaba pynlum pynlang ia ki jaboh plastic bad ki jakhlia ba la sop la spain ia ki dieng bad ki rud ka Wah Myntdu kiba don hapoh u pud ka shnong naduh thwei Lahong haduh thwei Pohsnin.

Shwa ban sdang ka jingpynkhuid ladon ka jingialang ba lyngkot bad laioh ruh ka jingkren maitphang ha ka jingiadei bad kane ka sngi na u Assistant General Secretary u ma Orilan Shylla.

Haba iakren bad u Orilan Shylla, u la iathuh ba na ki snem sha ki snem ha kum kane ka sngi ki la ki pynlong ruh ka jingthung dieng bad ka jurip ia ki dieng kiba la dep thung, hynrei mynta u snem hadien ka jingwan ka umsaw ha ki bynta ka wah Myntdu haka 26 tarik Jymmang 2020 la lap ba ki rud ka wah Myntdu bad ki dieng badon ha shilynter jong ka ki la shah sop shah spain da ki plastic bad kiwei kiwei ki jakhlia kaba la wanrah iaka jingkylla dur jong kitei ki bynta ka wah Myntdu.