Rakhe WED ki samla shnong bad KSU Lumshnong

Syllad | The Rising MeghalayaJune 7, 2021

Ka Khasi Students’ Union, Lumshnong Unit kala rakhe iaka World Environment Day ha ryngkat ki khun samla ka shnong Lumshnong haka 5 tarik une u bnai.

Haduh 250 tynrai ki dieng la thung ha kane ka sngi ba kyrpang ka jingrakhe ban pynneh pynsah iaka mariang.

“Ngi donkam ia ka lyer kaba khuid, ka um bam um dih kaba khuid. Lada syllen ki khlaw ki btab ngin duh noh ia ka um bad ka lyer ba khuid ban ring mynsiem,” la ong u president KSU Lumshnong Unit, u Olenbet Pdang.

Ki samla ka Shnong Lumshnong kila pynpaw ruh ba kane ka jingrakhe pyndon burom iaka mariang kam dei ban kut tang haka 5 tarik, hynrei ba ka jingiakhun ban pynneh pynsah iaka sawdong sawkun ka mariang kanlong manla ka sngi.

Ka KSU ka ai khublei iaka tnad Forest Umkiang, Apha Range kaba lah ai sngewbha ki deing iaka KSU.