Rakhe Van Mahotsav ka Mukhla bad Social Forestry Jowai ha Thadlaskein

Syllad | The Rising MeghalayaJuly 7, 2021

Ka Mukhla Dorbar Pyllun ha ryngkat bad ka office jong ka Social Forestry Division Jowai kala rakhe iaka Van Mahotsav ne ka taiew thung dieng kaba la pynlong ha kylleng ka ri ha man ka taiew ba nyngkong u bnai Naitung.

Ia kane ka prokram thung dieng ka la pynlong haka sngi Balang ha baroh sawdong sawkun ka pung Thadlaskeiñ, Mukhla, West Jaintia Hills District.

Ha shuwa ban ioh ia ka jing ia thung dieng la pynlong shuwa ia ka jingialang ba rit bad ia kane ka jingialang la pyniaid da u ma Hamran Shylla President Mukhla Dorbar Pyllun bad la ioh ia ki jingkren bad jingbatai shaphang kane ka sngi ba pynlong ia ka jingiathung dieng da u Batskhem Sana u officer ka tnad Social Forestry, Jowai Division.

Ia kane ka prokram ka tnad kam khlaw kam shym la ioh ban rakhe kumba julong manla u snem ha ryngkat ki khynnah skul namar ka jingwan lynsher ka khlam COVID-19.

U MLA Jowai u ma Wailadmiki Shylla bad lai ngut ki MDC ba kynthup ia Ailad Bhoi MDC Mukhla Wahiajer, Brightstar Chyrmang MDC Jowai North bad Octomiwot Lamin Nominated MDC, Standbyme Sari nalor kiwei kiwei ki dkhot nongialam ka Mukhla pyllun kila iashimbynta ha kane ka jingthung dieng.