Rakhe ki khynnah skul ha West Jaintia ia ka National Sports Day

Syllad | The Rising MeghalayaAugust 30, 2025

Ki khynnah skul ha West Jaintia Hills District ki la rakhe ïa ka National Sports Day haka 29 tarik u Nailar, ban kynmaw burom ïa u Major Dhyan Chand, u khlur ialehkai Hockey jong ka ri India uba la kha ha ka snem 1905.

Ha kane ka sngi rakhe, ki khynnah skul na kylleng ki shnong jong ka Thadlaskein, Laskein bad Amlarem Block ki la ïashim bynta ha ki jingialehkai bapher bapher kum ka jingmareh, ki jingialehkai tynrai, Football, Mass Drill bad kiwei kiwei.

Ki nonghikai ki la pynshai ruh sha ki khynnah halor ka jingmut ba kongsan jong ka National Sports Day bad ki la pashat jingtip shaphang ka jingim bad ka jingïalehkai jong u Major Dhyan Chand, uba la long ka jingïarap bakhraw ban pynpaw ïa ka nam ka burom jong ka ri India ha ka jingialehkai Hockey ha ka pyrthei