Rakhe ka WWC Loomkyriang iaka Mother’s Day, pynkup burom iaki longkmie ka shnong

Syllad | The Rising MeghalayaMay 12, 2025

Ka Women’s Walfare Committee jong ka Loomkyrwiang Dorbar Shnong kum shibynta ka jingrakhe iaka Mother’s Day haka 10 tarik Jymmang kala pynlong iaka jingialang ha Iungwalieh haka jingdonlang u MDC JHADC Ma Awhai Andrew Shullai.

La sdang iaka jingialang kaba la pyniaid da ka Secreatary WWC ka Samhakani Laloo, da ka jingnguh blei na ka Wandaka Laloo, ka jingkren pdiang burom naka Heiioomitre Pakma bad ki kyntien ai mynsiem haba iadei bad kane ka sngi kyrpang jong ka Kmie na ka Anikaru Laloo bad Dengsuk Laloo.

U Ma Awhai Andrew Shullai u pynpaw ka jingsngewnguh iaka Women’s Welfare Committee kaba la shimkhia ban pynlong iaka jingialang kaba kyrpang na ka bynta ban pynkhraw iaka burom bad ka kyrteng ka nam jong ka kmie ka nongkha nongpun.

Ym lah ban len, ka kmie kadei shisha ka briew kaba kit iaka jingkhia na ka bynta ki khun bad kadei ruh ka briew kaba pyndep hok iaka kamram ban pynkdang, pyndap pynbiang iaki khun bad ban sneng ban kraw iaki khuh ban long ki briew kiba don iaka burom ka akor.

U Waheh shnong Ma Lammat O Laloo haka jingkren ula iaroh iaka Women’s Welfare Committee jong ka Dorbar shnong kaba la shimkhia ban pynlong ia kane ka prokram ban burom iaki longkmie bad ula kyntu ruh ban ialeh ban pynjanai shuh shuh iaka rukom treikam na ka bynta ka bha ka miat hapoh ka imlang sahlang na ki por shaki por.

Kum ka dak ban pynkhraw ia kane ka sngi kyrpang, ka Women’s Welfare Committee, Loomkyrwiang kala pynkup burom iaki longkmie kiba kynjoh 60 snem rta da ka Muhor Sahnam ne Appreciation Award ha kaba ia kane ka bynta la pyndep da u Ma Awhai Andrew Shullai, u Ma Lammat-Oo Laloo, u Adviser Loomkyrwiang Dorbar Shnong Ma Chibor Najiar bad u Assistant Waheh Shnong Ma Daioolang Pakma.