Rakhe ka NCC ia ka jingdap 75 snem da kaba pynlong ia ka NER Car Rally

Syllad | The Rising MeghalayaNovember 5, 2023

Ka National Cadet Corps (NCC) ka la rakhe ia ka jingiaid lynti kaba 75 snem jong ka lyngba ka Special Outreach Program ba la tip kum ka “North Eastern Region Car Rally” ka ban long naduh ka 6 haduh ka 26 tarik mynta u bnai.

Ia kane ka jingiaid rally lyngba ki kali yn kaweh lama na Shillong bad wan poi ha Guwahati ha katei ka lyngkhuh sngi kyrpang ka NCC.

Kane ka prokram kaba heh kan wanrah lang ia baroh ki kynhun bapher bapher kiba kynthup ia ki 277 tylli ki skul, 151 tylli ki college bad 44 tylli ki district na ki hynriew tylli ki jylla ka thain shatei lammihngi (Northeast). Ka dei ka jinglehkmen halor ka jingiatylli, ka jinglong jingialam bad ka mynsiem ieit ri kaba dei ka mynsiem kaba don ha baroh ki dkhot NCC kum ki nongtei ia ka ri.

Ka jingpynlong ia kane ka North Eastern Region Car Rally ka thmu ruh shibynta ban ai mynsiem hapdeng ki khynnah samla, ban pynshlur ia ki ban long ki nongialam bad ban pynrung ia ka mynsiem ieit ri.