Rakhe ka KNIKMS ïaka lyngkhuh sngi ïap U Kiang Nangbah, ka iakop siat khnam bad rwai tynrai haka 27 bad 30 tarik

Syllad | The Rising MeghalayaDecember 25, 2022

Ka Kiang Nangbah Ïasiat Khnam Memorial Society, Jowai kala sdang iaka jingrakhe lyngkhuh sngi iap ba 160 snem U Kiang Nangbah da kaba pynlong ïaka jingïakop drama ha ïungwalieh ka Panaliar haka sngi Thohdieng

Shwa ka jingïakop kala don ka jingïalang lyngkot ba la pynïaid da u president ka society u Pearlet Toi haka jingdonlang u kongsan u Andrew Shullai, MDC Jowai Central Constituency.

U Riquoma Rq. Laloo ula ong ka jingthmu ka long ban kyntiew ïaka sap ka phong ki khun samla iaka lehkai drama bad kiwei kiwei namar kadei kawei ka lynti ban pynneh pynsah ïaka dustur riti ba la hikai ki longshwa manshwa.

U Andrew Shullai haka jingkren ula ong kane kadei ka jingsdang jong ka society kumno ban wad ki lad ki lynti ban pynneh pynsah ïaka jingïalehkai drama. Ula ïaroh ïaka KNIKMS namar bunsien la kynnoh ba ka lyngkhuh sngi iap U Kiang Nangbah la rakhe tang haka 30 tarik Nohprah. Ula ong ba nalor ka jinghikai u longshuwa man shuwa dei ban pynneh pynsah bad pynim ïaka jaitbynriew bad neh ka jingithuh pateng la pakit.

Ha kane ka jingïakop ïaka nam lahduh la ïohrah da ka kynhun HBJ kaba la pyni ïaka drama lyngkot shaphang ka Phan Nonglait.

La pynbna ruh ban pynlong iaka iakop Ïasiat Khnam ha madan Madiah Kmaiblai, Syntu Ksiar haka 27/12/2022 haka 10 baje mynstep katba ka Traditional Song Singing Competition haka 30/12/2022 ha madan Madiah Kmaiblai naduh ka por 10 baje mynstep.

Ka synjuk ka khot wer ïaki paidbah ban wan sakhi iaka prokram rakhe lyngkhuh sngi iap U Kiang Nangbah haka 30/12/2022 haka por 1.00 nohphai sngi.