Rakhe International Women’s Day ka VO Mowtyrshiah

Syllad | The Rising MeghalayaMarch 8, 2021

Ka Seiñ Manbei Village Organization Mowtyrshiah-A kaba kdup ïaki 24 tylli ki Self Help Group (SHG) ka la rakhe ïaka sngi kyrpang jong ki kynthei- “International Women’s Day” halor ka phang “Women in Leadership Achieving an equal future in COVID -19 World” haka sngi Nyngkong.

Ïaka jingïalang la pynlong ha Community Hall Mowtyrshiah haka jingïadonlang u kongsan u ma Winning G Sungoh MDC ka JHADC, u Branch Manager ka SBI Raliang u Hamly Dkhar, u Waheh shnong u Kamdathmu Suchiang, Secretary VEC kumjuh ki Staffs Nurse jong ka Laskein CHC.

U Ma Wining haka jingkren ula ïaroh ïaki longkmie kiba trei shitom, kiba kit khia ïaka kam bad ula kyntu ruh ban mih shakhmat ban kit ïaki kam hapoh ka imlang sahlang bad ka synshar khadar.

Ula ïathuh ba ka District Council ka la shim ïaka sienjam ban shna ïaka aiñ ban pynkup bor ïaki kynthei da kaba pynrung ïaki ha ki dorbar shnong bad dorbar Elaka.

Nalor u ma Winning la ïoh ruh ka jingkren na u Branch Manager ka SBI Raliang u Hamly Dkhar Wahehshnong u Kamdathmu Suchiang Secretary VEC bad ruh la ïoh iaka jingbatai bniah halor ka Tika Covid-19 na ki Nurse jong ka Laskeiñ CHC.

La pynphuh pynphieng ïa kane ka sngi da ki jingïalehkai drama lynkot bad kiwei kiwei ki prokram pynbyrngia.