Rakhe International Day of Peace ka Meghalaya Bharat Scouts & Guides

Syllad | The Rising MeghalayaSeptember 21, 2020

Ka United Nation General Assembly ban wanrah ia ka shongsuk shongsain bad ka jingiatylli hapdeng ki ri haka pyrthei kala pynbna ba ka 21 tarik Nailur kan long kawei na ki sngi ba la tip kum ka ka International Day of Peace ne ka sngi kyrpang ban iakren shaphang iaphylliew jingmut shpahang ka shongsuk shongsain jong ki briew ha shityllup pyrthei.

Mynta u snem ka United Nation ka la jied kyrpang ia ka theme ba ong “Shaping Peace Together”.

Ka Meghalaya Bharat Scouts & Guides, West Jaintia Hills District kum kawei na ki seng ba trei ban wanrah ia ka jingialong kawei hapdeng ki jait bynbriew bapher kala iasnohktilang bad ka United Nation bad kala pynlong ia ka jingiakynduhlang jong ki Scouts master bad ki Guides ha kaba u Adiam u Bthuh, Jt. District Secretary, MBS&G West Jaintia Hills u la pyniaid ia ka jingialang bad la ioh ruh ka jingkren na u Julius Lyngdoh, Training Commissioner (s) West Jaintia Hills bad ka S Tariang, District Commissioner Guides,, West Jaintia Hills katba ka S.Shylla, District Organizer Guides ka ai ki kyntien khublei.

U Julius Lyngdoh , Training Commissioner (S) West Jaintia Hills haba kren u la ong, haba iakren ia ka jingsuk ngi dei ban sngewthuh ba lada ngim don ka jingsuk ha lade marwei ngin nym lah banlong ki nongtbeh ia ka sharak jong ka jingsuk ha khmat ka pyrthei kumta ka jingsuk ha lade shimet ka long kaba donkam.

Ka kong S Tariang pat haba kren ka pynkynmaw ia ki dkhot, ban wanrah ia ka shongsuk shongsain bad ka miat ka bha hapdeng ki para briew ne ki para nongshong shnong ngi dei ban long ki briew kiba nang ban burom mar kylliang hapdeng ki rukom iapher ba bun jait ba ngi don naduh ka rukom ngeitniam, ka rukom im bad kiwi kiwei. Ban pynkut ia ka jingkren, ka S.Tariang ka la pynsngew ruh ia ki kyntien u Antonio Guterres, Secretary General United Nation kiba u la kren ha ka jingiadei ba kane ka Internationa Day of Peace.