Rai pynrem ka ïingbishar ïaki ar ngut da kaba set phatok 10 snem bad shi jingim ha West Jaintia Hills

Syllad | The Rising MeghalayaNovember 19, 2021

Ka ïingbishar jong ka West Jaintia Hills kala rai pynrem ia u Sujit Deb Nath da kaba set phatok haduh 7 snem bad 10 snem hapoh ka kyndon aiñ Section 376 IPC bad hapoh ka kyndon aiñ Section 6 jong ka POCSO Act ha ryngkat bad ka kuna kaba mar T.20000/- ha kine ki ar kyndon.

Ka ïingbishar kala pynmih iaka hukum haka 27 tarik Risaw 2021 bad ka iingbishar kala rai ba u Sujit un pyndep ia kane ka jingshah pynsaja ha phatok haka juh ka por.

Une u Sujit u donkti ban lehbijot ia kawei ka khynnah kaba dang 13 snem ka rta kaba la jia ha u bnai Nailar 2013.

Katba u Edwin Sungoh, ka ïingbishar kala rai pynrem ia u ban set phatok shi jingim ryngkat bad ka kuna T.50,000/- katkum ka kyndon 302 IPC. U Sungoh u donkti ban pyniap iaki ar ngut ki briew kiba kynthup ia u Lur uba la tip kum u Lo Rabon bad ka Lakma kaba tip kum ka Kma Sungoh ha iing sah jong ki ha Khliehrangnah Lum Moochai ha u bnai Jymmang 14 tarik 1992.

Ka ïing bishar kala pynmih ia kane ka hukum ban rai pynrem ia u Edwin Sungoh haka 5 tarik Naiwieng 2021.