Rai pynrem ka ïingbishar ia u Jimmy ba thmu pyniap iaka lok

Syllad | The Rising MeghalayaMarch 26, 2022

Ka District and Session Judge Khliehriat East Jaintia Hill ha ka 17.03.2022 ka la pynmih ia ka hukum ban set phatok 10 snem ia u Jimmy Bordoloi ha ka ia dei bad ka jingthmu jong u ban pyniap ia ka lok jong u.

Kane ka hukum la pynmih da ka ïing bishar hadien ba la lap ba u ne u briew u thmu ban pyniap bad pynmynsaw ia ka lok jong u ha Khliehriat East, East Jaintia. Kane ka jingia kala jia haka 08.07.2016 ha ka por 5.15 PM u ne u briew u la pynmynsaw ia ka lok jong u da ka jingthmu ban pyniap ia ka.

Ka ïing bishar District and Session Judge East Jaintia Hills hadien ka jingbishar kala lap ia kane ka jingleh jong u ne u briew ia kine ki kam bymman bad larai pynrem ia u da ba set phatok 10 ha phatok ha ryngkat ka kuna ba T.10,000/- tyngka ha poh kakyndon ain 326 IPC bad 10 snem ha phatok bad ka kuna ba 20,000/- tyngka ha poh ka kyndon ain 307 IPC kiba u hap ban shah pynsaja haka juh ka por.