Rah u Vijay iaka Body Building, u Pynioladmi iaka Physique Championship haka Mr. Ironman Amateur 2023, ka Whitney kaba bha dohksah na ki kynthei

Syllad | The Rising MeghalayaSeptember 4, 2023

U Vijay Singh na Fittorium Gym, Shillong ula iohrah iaka nam ‘Over All Body Building Championship 2023 bad u Pynioladmi Pala na Satar Gym Fitness Ummulong West Jaintia Hills ula iohrah iaka nam Over All Men’s Physique Championship 2023 jong ka rynsan pyni dohksah kaba tip kum ka 3rd All Meghalaya Amateur Body Building Championship Mr. Ironman Amateur 2023.

Ia kane ka rynsan pyni dohksah la pynïaid da ka Jaintia Body Building & Fitness Association (JBB& FA) ryngkat ka jingiatreilang ka Meghalaya Body Building & Fitness Association (MBB&FA) bad WFF India ha District Library Auditorium Mynthong, Jowai haka sngi Saitjain.

Haka liang ki kynthei iaka nam Women’s Fitness Championship 2023, la iohrah da ka Whitney L Mawphlang na Genfit Gym, ba ar ka Rophina Jasain na Fitness First bad ba lai da ka Sawakani Lakiang na Body Mass & Fitness Gym Panaliar Jowai.

Haba phai shaka jingiakhun Men’s Body Building 55 Kg la jop da u Viany Colas Skhar Byngar na Elite Gym, ba ar u Zebedee W.R Jyrwa na Power House Gym bad ba lai la jop da u Rajanikanta Deb Barma na Muscle Xcess & Fitness Gym.

Haka Jingiakhun Men’s Body Building 60 Kg la jop da u Lalrem Mawia Sangma na Synergy Fitness Gym, ba ar da u Bhalang Khongwir na Claudia Fitness Hub bad ba lai da u Ioanis Sangma na Urban Kinetic Gym.

Haka Men’s Body Building 65 Kg, la jop da u Ebenesar Khongsit na Genfit Gym ba ar da u Richard Wahlang na Body Zoo Gym Shillong bad ba lai da u Synta Shylla na Flex Jowai.

Haka Men’s Body Building kaba hapoh 70 Kg, la jop da u Vijay Singh na Fittorium Gym Shillong, ba ar u Elnathan N Warjri na Zoo Gym Shillong bad ba lai u Rapjan Hadem na Odc Fitness Center.

Haka Men’s Body Building 70 Kg shaneng, la jop da u Denzil Matthew Bang na Zoo Gym Shillong, ba ar u Pritam Sunar na Gold Gym Jowai bad ba lai la jop da u Mintu Nath na Muscle Excess & Fitness Gym.

Haka jingiakop Denim Jeans Model Championship 2023, la jop da u Richard Wahlang na Zoo Gym Shillong, ba ar u Ioanis Sangma na Urban Kinetic Gym bad ba lai da u Hamehun Passah na Flex Appeal Gym Jowai.

Haka jingiakop Men’s Physique 5.5 Below, la jop da u Pynioladmiki Pala na Satar Gym Fitness Ummulomg, West Jaintia Hills, ba ar Richard Wahlang na Zoo Gym Shillong, bad ba lai u Lalrem Mawia A Sangma na Synergy Fitness Gym.

Haka jingiakop Men’s Physique 5.5 Above, la jop da u Akash Choudhary na Power House Gym, ba ar u Vijay Singh na Fittorium Gym, Shillong bad ba lai da u Pritam Sunar na Gold Gym Jowai.

Iaki khusnam sha ki nongjop la sam da u kongsan u Puramon Kynjing Doloi Elaka Jowai bad u symbud kongsan u Chibor Najiar Chief Engineer P.H.E haka jingdonlang u waheh Shnong ka Mynthong u Lamphrang Pohktai, u Rikut N. Parien President barim ka JSU, u Treibor R Suchen General Secretary JSU Central Body bad kiwei kiwei kiba shah khot sngewbha.