Rah placard dawa ILP ka CoMSO sa ia u Myntri Rep Riang

Syllad | The Rising MeghalayaFebruary 19, 2020

SHILLONG: Da ki placard dawa ILP pdiang sngewbha ki dkhot jong ka CoMSO ia u P K Rupala, Union Minister ka  tnad Agriculture and Farmer Welfare jong ka sorkar pdeng ha ka por ba u wan sha ICAR Umiam mynta ka sngi.

Kane ka jingiakhih ka long ban pynkynmaw ia une u myntri ba ka sorkar Jylla ka la mynjur da ka resolution ban pyntreikam noh ia ka ILP bad ban weng ïaka jingtreikam ka CAA ha ka jylla hynrei ka sorkar kmie kam pat pyni kino kino ki dak ki shin haduh mynta.

“Ngi pdiang sngewbha, ngi sngewnguh bad ngi ai khublei ia ka jing wanrah jong ki tnad sorkar ia ki lad pynroi, ngi kyntu ba kin wan rah shuh shuh ki scheme pynroi ha ka jylla, hynrei ka sorkar India ka dei ruh ban shim khia ba kin ai ia ngi ia ka hok jong ngi ka ILP ba ngin ioh ban iada ialade na ka jingshah tyllep noh ha ki poiwir ha la ka jong ka Bri bad ka Jylla,” ong u kyrwwoh bala phah da u Joint secretary CoMSO Bandari Ryntathiang bad bynrap ba ki dawa na ka Home Ministry ka sorkar pdeng bad na u Amit Shah ba u dei ban mynjur ia ka jingpyntrei kam ia ka ILP ha ka jylla jong ngi.