Rah nam lahduh Tariang FC haka Secondary School Football Knock-out Tournament Pdengshakap

Syllad | The Rising MeghalayaApril 3, 2023

Ka Tariang FC kala rah iaka nam lahduh da kaba pynliem da 3-1 ïaka Umsalait SC haka jingiakhun final 9th Secondary School Football Knock-out Tournament kaba la long ha madan Pdengshakap haka sngi Saitjaiñ.

Ïaki kol jong ka Tariang FC la thep da u Allen Nongbri (12), u Knerktilang Buam (73, 90). Katba ka shikol jong ka Umsalait SC la thep da u Arnes Marweiñ (75).

Ka Tariang FC lyngba ka jingjop ka la ïoh khur ïaka song pisa kaba T. 2,50,000 (Ar lak sanphaw hajar) katba ka Umsalait SC ka la ïoh T. 1,50,000 (Shi lakh sanphew hajar) ryngkat ki trophy.

U Deputy Superintendent of Police, East Jaintia Hills u Jason Mairom ula wan sakhi iaka jingiakhun footaball kum u kongsan haka jingiadonlang u H Bareh, District Sports Officer ka West Jaintia Hills u Khroobok Passah, ki Waheh shnong bad secretary kumjuh ki  nongkitkam na ki synjuk ïalehkai bapher ka thaiñ.

La sam ruh ïaki khusnam shimet sha ki rangïalehkai ka Tariang FC ba kynthup ka nam Best player ba la ïoh da u  Knerktilang Buam uba la thep 2 kol bad nam Best Goalkeeper la ïoh da u Frolick Dkhar.