Rah nam lahduh ki thei bad rang ka Mawsynram haka Senior Softball State Level C’ship

Syllad | The Rising MeghalayaDecember 15, 2024

Ka kynhun jong ki rang bad ki thei samla jong ka Mawsynram ki la ioh ba kin rah ia ka nam lahduh jong ka lympung ialehkai 4th Senior Softball State Level Championship ba la pynlong ia ka da ka Meghalaya Softball Association ha Don Bosco Mini. Stadium.

Ka jingioh jong kine ki ar kynhun ka Mawsynram ban rah ia ka nam lahduh ka la wan hadien ba ki la lah ba kin pynliem noh ia ki rang ka Dkhiah ka East Jaintia Hills bad Mupliang ka West Jaintia Hills, ha ka phainal ba la long mynta ka sngi.

U kongsan ba la wan ban sakhi lang shipor ia ka phainal jong kane ka lympung ialehkai dei u bah Paul Lyngdoh myntri ba dei khmih ia ka tnat Arts & Culture bad Tourism ka sorkar jylla, bad sakhi lang da u working president bad General Secretary ka Meghalaya State Olympic Associatiion u bah John F. Kharshiing bah Finely L. Pariat, Fr Anthony Kharkongor, Principal St Anthony’s HSS, lem bad ki dkhot njongkitkam jong ka MSA.

Ha ka jingialoang sam ia ki khusnam, ka la don ruh ka jingsam ia ki khusnam ba shimet ba kynthup ia ka nam best catcher kaba na ka liang ki kynthei ka leit sha ka  Philawanbiang Syiemlieh ka Mawsynram bad  Nangkiewkupar Disar ka Mawsynrsam, best hitter na ka liang ki lkynthei ka leit sha ka Eliza Lyngdoh ka Mawsynram bad Sandy Strong Kharchandy ka Mawsynram, best pitcher na ka liang ki kynthei ka leit sha ka Larishisha Phawa ka Muliang West Jaintia Hills bad Krishna Thapa, ka Dkhiah, East Jaintia Hills District.