Rah nam lahduh ka West Jaintia Hills bad ka Mawsynram haka 3rd Meghalaya Softball Championship

Syllad | The Rising MeghalayaDecember 13, 2023

Ka kynhun ki thei ialehkai ka West Jaintai Hills bad ki rang ialehkai jong ka Mawsynram, ki la ioh ba kin rah ia ki nam kum ki lahduh ha ka lympung ialehkai 3rd Meghalaya Softball Championship, ba la pyniaid ia ka da ka Meghalaya Softball Association (MSA), ha madan Second Ground, Polo, Shillong.

Kane ka jingialehkai kaba la neh lai sngi lynter kala kut noh haka 13 tarik Nohprah.

Ka West Jaintia Hills ha ka jingiakhun final kala pynliem iaka Lyntijam kaba na Ri-Bhoi District bad ia ka nam kaba lai ne la rah da ka kynhun ki thei ialehkai jong ka Dkhiah East Jaintia Hills.

Ka kynhun ialehkai na Mawsynram kila lah ban pynliem ia ka kynhun jong ka Dkhiah na East Jaintia Hills, katba ka kyrdan kaba lai la rah ia ka da ka kynhun ki rang ialehkai jong ka West Jaintia Hills.

Ka khusnam best pitcher, na ka liang ki shynrang la rah ia ka da u Krishna Thapa player jong ka Dkhiah East Jaintia Hills bad na ka liang ki kynthei la rah ia ka da ka Larishisha Phawa ka West Jaintia Hills.

Ha kane ka sngi ba pynkut ia kane ka lympung ialehkai softball la iadonlang u bah Khroobok Passah Assistant Director Sports & Youth Affairs bad DSO West Jaintia Hills kum u kongsan ryngkat u General Secretary ka Meghalaya State Olympic Association u bah Finely L. Pariat, ki ophisar ka tnad sport bad kiwei kiwei