Rah nam lahduh ka Mynsngat haka 1st Adelbert Laloo Memorial Trophy ka WJDSA

Syllad | The Rising MeghalayaAugust 17, 2019

JOWAI: Ka Mynsngat SC kala rah ïaka nam lahduh jong ka Third Division Football Tournament kaba la tip kum ka 1st Adelbert Laloo Memorial Trophy kaba pynïaid da ka West Jaiñtia District Sports Association (WJDSA) hadien ba kala lah ban pynliem da 1-0 kol ïaka Mooknor Thadmuthlong SC haka final kaba long haka sngi Saitjaiñ ha Kiang Nangbah Stadium.

Kane ka kol jop jong ka Mynsngat kala wan mih paw haka jingakhun extra time hadien ba ka jingiakhun katkum ka por kaba la buh kala wai da kaba ïakhaid khlem don mano mano ba ïoh pynkhih jar.

Ïa kane ka kol la thep da u Shanbor Satein (88) kaba la biang pura ïaka Mynsgngat ban rah iaka nam lahduh.

Ka Man of the Match la ioh khur da u Ajidius Satein jong ka Mynsngat, Best Goal keeper-Chembha Dkhar jong ka Mynsngat, Top Scorer bad Player of the tournament la ioh khur da u Nidaioh i Dhar of Mooknor Thadmuthlong.

Iaki khusnam la sam da u kongsan Ma EMH Passah, Working President WJDSA uba long u khun u (L) Adelbert Laloo bad ki para jong u bad ki khun ki kti.