Rah nam lahduh ka Musniang, Wapung bad Lotus Secondary School haka District Level Inter-School Subroto Mukherjee Cup EJH

Syllad | The Rising MeghalayaJune 13, 2025

Ki lai tylli ki skul – ka Musniang Secondary School, Wapung Higher Secondary School bad Lotus Secondary School – kin mihkhmat ïa ka East Jaiñtia Hills District ha ka State Level Inter-School Subroto Mukherjee Cup ha Shillong.

Kane kala wan hadien ba kine ki lai skul kila iohrah iaka nam lahduh haka jingialehkai final kaba long haka 13 tarik Jylliew ha madan Diengshynrum. Ia kane ka lympung la pyniaid da ka ophis DSO, East Jaintia Hills District.

Ka khana na ka jingialehkai final ka long ba ka Musniang Secondary School ka la jop da 3-0 iaka KB Memorial Secondary School, Wapung ha ka Under-15 Boys’. Haka Under-17 Boys, ka Wapung Higher Secondary School ka la pynliem da 4-0 iaka Sein Jait Tuber Higher Secondary School, katba haka Under-17 Girls, ka Lotus Secondary School, Deingshynrum ka la jop da 2-0 iaka Sanshnong Secondary School.

Kala don ruh ka jingsam iaki khusnam shimet ha kaba u Everlasting Dkhar ka Musniang Secondary School ula khur iaka nam ‘Best Player’ ha ka Under-15 Boys, haka Under-17 Boys bad Girls, u Daemitre Rymbai ka Sein Jait Tuber Higher Secondary School bad ka Thehlut Sana ka Sanshnong Secondary School kila khur iaka khusnam Best Player.

Iaki khusnam sha ki nongjop la sam da ka kongsan Kong Violet Lyngdoh MDC ka Rymbai-Khliehriat, u Additional Superintendent of Police Ma S Paslein haka jingiadonlang ka DSO, ki nonghikai bad khynnah skul.