Rah nam lahduh ka Diengshynrum haka Women’s League ka EJHDFA

Syllad | The Rising MeghalayaDecember 28, 2023

Ka Diengshynrum SC kala pynliem da 3-0 iaka Dkhiah West haka jingiakhun final ban ioh rah iaka nam lahduh haka Women’s League kaba la tip kum ka (L) Mary Tlang Memorial Trophy kaba pyniaid da ka East Jaintia Hills District Football Association (EJHDFA) kaba long ha madan artificial turf Diengshynrum, Khliehriat haka 27 tarik Nohprah.

Iaki 3 tylli ki kol jong ka Deinchynrum SC la thep daki shipara, ka Alisha Lyngdoh haka minit kaba 8, ka Happily Lyngdoh haka minit kaba 60 bad ka Deimon Lyngdoh haka minit kaba 70+1.

Iaka khusnam sha ka kynhun lahduh ka Deinchynrum SC la sam da ka Kong Pawlina Tlang kaba dei ka khun jong ka (L) Mary Tlang katba ka khusnam sha ka kynhun kaba wan ba ar la sam da ka Kong Merun Tlang kaba dei ka khun ksiew jong ka (L) Mary Tlang.

Ka khusnam Player of the Day la ioh khur da ka Alisha Lyngdoh ka Deinchyntum SC, Emerging player da ka Pari Khongngain na Dkhiah West SC bad ia kine ki khusnam la sam da u Ma Welbert Nongtdu Waheh Shnong Deinchynrum SC bad Ma James Sutnga Working President EJHDFA.

Ha kane ka sngi la donlang ruh ki riew rangbah jong ka kur Tlang kynthup naduh u Ma Treyo Tlang, Tommyna Tlang, Comingone Joy Tlang bad ki khun ki ksiew jong ka (L) Mary Tlang ka Kong Embris Tlang nalor lo dkhot bad nongkitkam ka EJHDFA.