Rah ki khynnah ialehkai ka Sabahmuswang haka Under-13 Republic Day Cup ka WJDSA
Ki khynnah ialehkai ka Sabahmuswang ki la rah syndon iaka nam lahduh haka Under-13 Republic Day Cup Football Tournament hadien ba ki la pynliem iaki khynnah ka FAM da 2-0 haka jingiakhun phainal kaba long ha Kiang Nangbah Stadium haka 26 tarik Kyllalyngkot.
Ia kane ka lympung la pynlong da ka West Jaintia District Sports Association (WJDSA) kaba la kyrshan da ka ophis u Deputy Commissioner, West Jaintia Hills District.
Haba phai shaka jingialehkai, ka jingiakhun ba la buh por ban pyndep ka la kut da ka jingiakhait khlem da lah ban pynkhih iaka jar kol bad dei hadien ba la rah iaka jingiakhun shaka jingiashut penalty ka Sabahmuswang ka la pynliem da 2-0 iaka FAM.
U Deputy Commissioner jong ka West Jaintia Hills District u Bah BS. Sohliya ula wan ban pynhap pyrda ia kane ka jingialehkai kum u kongsan haka jingdonlang u District Sports Officer West Jaintia u Ma Khroobok Passah, u working president ka WJDSA u Ma EMH. Passah nalor kiwei kiwei de ki nongialam bad dkhot nongkitkam jong ka WJDSA.
Hadien ka jingialehkai u kongsan ula sam iaka khusnam shaka kynhun lahduh bad kynhun ba wan ba ar da ka song pisa ryngkat ka Trophy.
La sam ruh iaka khusnam Man of the Match sha u Wohjrem Shylla jong ka Sabahmuswang, ka nam Best Goalkeeper sha u Benedict War jong ka FAM, ka nam Top Scorer sha u Deiwamitre Shylla jong ka Sabahmuswang bad ka nam Player of the Tournament sha u Dachanmitre Dkhar jong ka FAM.
Facebook
Instagram
Youtube
Twitter
Leave a Reply