Rah ka Tanvi ïaka Miss Meghalaya 2019

Syllad | The Rising MeghalayaFebruary 17, 2019

SHILLONG: Ka samla Tanvi Raksam Marak (20) kala rah ïaka pansngiat bha briew – ‘Miss Meghalaya 2019’ ba la pynlong da ka Meghalaya Tourism Youth Development Society (MTYDS).

Ia kane ka pansngiat thei bhabriew ka jylla la pynlong da ka Meghalaya Tourism Youth Development Society (MTYDS) ha ryngkat ka jingiasnohkti lang bad ka ‘Glamanand Supermodel India’ ha ka 16 tarik une u bnai ha Bakur, Dawki bad la lah ban pynlong biang hadien 21 snem.

Ka Tanvi Raksam Marak ka la ioh ia ka nam lah duh ban deng ia ka pansngiat ryngkat bad ka khusnam pisa ba T.1 lak, bud sa ka Sanwaka Surong ha ka kyrdan 1st runner’s up bad ka Nazareen Kharubon ha ka kyrdan 2^nd runners’s up.

Ia kine ki thei bhabriew ka Meghalaya la wan ban bishar da 6 ngut ki ‘riew shemphang ha kane ka kam ba kynthup ia ka Miss India Earth, 2018, la Deepika Vaid bad u Amjad Khan Pathan uba dei u director ka Glamanand Supermodel India.

Na ka liang u Bah Daniel Khongsit uba dei Waheh shong ka Bakur bad kumjuh uwei na ki nongialam ka MTYDS u la ai khublei ia baroh ki nong iashim bynta bad khamtam ia ki hajar ngut paidbah kiba la ai ka jingkyrshan da kaba sakhi ia kane ka jingiakob kaba jop.

Photo: Contributed