Rah ka St. Dominic bad ka Thomas Jones iaka nam lahduh haka Open Inter School Basketball ha Jowai

Syllad | The Rising MeghalayaOctober 18, 2024

Ka St. Dominic Hr SS bad ka Thomas Jones Hr SS kila long ki ar tylli ki school kiba khur iaka nam lahduh ha ki kynthei bad shynrang haka iakop Open Inter School and College Basketball Tournament kaba pyniaid da ka ophis u DSO, Jowai.

Kane kala wan hadien ba kine ki skul kila khur jingjop haka final kaba long haka 18 tarik u Risaw ha Kiang Nangbah Stadium.

Na ki kynthei ka St Dominic kala pynliem iaka Tome Memorial SS da 26-17. Katba na ki shynrang pat ka Thomas Jones kala pynliem iaka Tome Memorial da 54-40.

Ia ki khusnam la sam da ka Pynbeitbha Passah, District Informatic Officer kaba long ruh ka player basketball barim ka jylla haka jingiadonlang u DSO Khroobok Passah bad kiwei kiwei.