Rah ka Skhenpyrsit ïaka 6th Pdengshakap Secondary School Invitation Football Knockout Tournament

Syllad | The Rising MeghalayaMarch 31, 2019

JOWAI: Ka Skhenpyrsit FC kala ïoh rah ïaka nam lahduh haka lympung ïalehkai football- ‘6th Pdengshakap Secondary School Invitation Football Knockout Tournament 2019’ hadien ba kala pynliem da 4-3 ïaka Mawjatap SCC haka final kaba long haka sngi Saitjaiñ ha madan Kalam.

Ha kane ka jingiakhun katkum ka por bala buh ka jngïakhun kala long kaba ïakhadi mar 1 shikol, hynrei hadien bala rah sha ka tie breaker ka Skhenpyrsit kala jop.

Ka Skhenpyrsit ka lahduh kala ïohrah ka song pisa T.2 lak bad ka Mawjatap T.1 Lak bad trophy.

Ïa kane ka lympung ialehkai la  pyniaid da ka Tympang Club Pdengshakap ban pynmih pisa na ka bynta ban ïoh siew tulop ïaki nonghikai ka Pdengshakap Secondary School.

U Ma Stephanson Mukhim, MLA barim ka War Jaiñtia ula long u kum u kongsan haka jingïadonlang u Dolloi ka Elaka Satpator Daman Lakashiang, kum u symbud kongsan, ki bor pynïaid ka skul bad ki nongialam ka Tympang Club Pdengshakap bad kiwei kiwei.

U Ma Stephanson Mukhim ula kitbok kitrwiang bad ai ka jingkyrkhu kyrdoh ïaka Tympang Club Pdengshakap kaba pyniaid ïa kane ka tournament na ka bynta pynmih pisa ïaka skul bad ula kyntu ïaki nongshong shnong bad ki marjan shnong ban ai ka jingkyrshan ïa kane ka synjuk ha ki sngi ban wan ba nang lah shuh shuh ban trei na ka bynta ka bha ka miat ka imlang sahlang.