Rah ka Seiñ Jait Tuber SS iaka nam lahduh haka Inter School Athletic Meet ka DSO East Jaintia Hills

Syllad | The Rising MeghalayaMay 19, 2022

Ka Seiñ Jait Tuber Higher Secondary School, Tuberkmaishnong kala ioh rah iaka Over All Champion haka District Level Inter School Athletic Meet kaba pyniaid da ka ophis ka District Sports Officer, East Jaintia Hills District kaba la poi noh sha kaba kut ha madan Teilang, Dkhiah West, Khliehriat haka sngi Palei.

Nalor ka nam over all champion ka Seiñ Jait Tuber kala ioh rah iaka nam best team ha baroh kyrdan napdeng ki kynthei bad shynrang.

Ka khusnam best athlete haka kyrdan Under-14 Boy’s la ioh rah da u Daeihiwotmi Phawa jong ka Seiñ Jait Tuber Higher Secondary School bad ka Thehlut Sana of Seinraij BR  UP School na ki kynthei.

Haka Under-16 Boy’s iaka bam best athlete la ioh rah da u Lastly Suchiang naka Sutnga Presbyterian Higher Secondary School bad na ki kynthei ka Lamsuk Phawa jong ka San Shnong Secondary School

Katba u Lamwan Phawa bad ka ka Anidakashwa Shylla naka skul Seiñ Jait Tuber Higher Secondary School kila ioh rah iaka khusnam best athlete haka Under-18

Ka khusnam best discipline team la ioh rah da San Shnong Secondary School.

U Ma Kyrmen Shylla myntri sorkar ula wan ban sakhi ia kane lympung kum u kongsan bad sam ruh iaki khusnam sha ki nongjop haa jingiadonlang u MDC ka Rymbai u Ma Finelyness Bareh haka jingiadonlang u SP ka District Jagpal Singh Dhanoa, IPS, u DSO Jowai Ma Khroobok Passah, ka DSO Stephanie M Rapsang, Dr. P. Nongtdu, Principal Jaintia Eastern College nalor kiwei kiwei.