Rah ka Sabahmuswang iaka Republic Day Cup U-13 Football League ka WJDSA

Syllad | The Rising MeghalayaJanuary 27, 2023

Ki khynnah ialehkai ka Sabahmuswang kila jop da ka tie breaker 2-1 pyrshah iaki khynnah ka Demthring bad rah syndon iaka Republic Day Cup U-13 Football League Tournament haka final kaba long haka sngi Republic Day ha Kiang Nangbah Stadium.

Ia kane ka tournament la pynlong da ka WJDSA ryngkat ka jingiatreilang ka District Administration, West Jaintia Hills District.

Haka jingiakhun haka por kaba la buh ka jiakhun kala kut da 1-1. Na kaliang ka Sabahmuswang la thep da u Mar oo P Shylla (8) katba na ka Demthring la thep da u Given Son Suting (27).

Da kane ka jingiakhaid la rah iaka jingiakhun sha ka extra time, hynrei ym shym la ioh iaka resol bad la rai iaka namjop ka Sabahmuswang da ka tie breaker.

Ka Sabahmuswang SC kala ioh rah iaka song pisa T. 20 hajar bad ka Trophy, katba ka Demthring SC kaba kaba wan ba Ar, ka la khur ïaka song pisa kaba T. 10 hajar ryngkat bad ka Trophy.

Ka khusnam Man of the Match la ioh u Riskhem Bang jong ka Sabahmuswang SC, ïaka nam Top Scorer bad Player of the Tournament la ïoh da u Givenson Suting (11 Goals) jong ka Demthring SC bad ïaka nam Best Goalkeeper la ïoh da u Samkor Ryngkhlem jong ka Demthring.

U Deputy Commissioner, WJH u bah BS Sohliya ula long u kongsan bad sam iaka khusnam sha ki nongjop katba u symbud kongsan District Sports Officer (DSO) West Jaintia Hills District u ma Khroobok Passah ula sam iaka khusnam ba ar.

Ïaki khusnam shimet la sam da u Sylverstar Phanbuh MCS ryngkat ki dkhot ka WJDSA haka jingdonlang u Working President u Ma EMH Passah, u Vice President Bah Patrick Lamare, General Secretary Bah Lammat O Laloo bad kiwei kiwei.