Rah ka Northeast Adventist University iaka nam lahduh haka Open Volleyball Tournament u DSO Jowai

Syllad | The Rising MeghalayaOctober 16, 2024

Ki rang bad thei ialehkai ka Northeast Adventist University kila rah iaka nam lahduh jong ka lympung ialehkai ‘Open Volleyball’ ba la pyniaid da ka ophis u District Sports Officer (DSO), West Jaintia Hills District ryngkat ka jingiatreilang ka West Jaintia District Sports Association (WJDSA).

Kane ka jingialehkai kala sdang haka 14 tarik Risaw bad la pynkut haka 16 tarik Risaw ha madan Mission Compound, Jowai.

Haka jingialehkai Final jong ki shynrang, ka Northeast Adventist University kala pynrem iaka Knor Syiem Veteran FC da 3-1.

Katba haki kynthei ka Northeast Adventist University kala pynrem iaka Chilliangraij da 2-0.