Rah ka Namrhen Ryntih bad ka Pamtbuh iaka Lower bad Upper Div ka ASSA

Syllad | The Rising MeghalayaDecember 16, 2023

Ka Namrhen Ryntih Kudengrim bad ka Pamtbuh SC ki la long ki lahduh haka jingiakhun haka lympung ialehkai Lower Division bad Upper Division Football Tournament ba la pyniaid da ka Amlarem Sub Division Sports Association (ASSA).

Kane kala wan hadien ba ka Namrhen Ryntih kala pynliem da 1-0 iaka Trangblang haka Lower Division. Ka Pamtbuh kala jop da 1-0 iaka Lumpyngngad haka Upper Division haka final kaba long ha ka 15 tarik Nohprah ha mini stadium Ladjaplem, Amlarem.

Ia ka kol jop na kaliang ka Namrhen Ryntih Kudengrim la thep da u Solomon Khyriem haka minit kaba 48′. Katba na kaliang ka Pamtbuh la thep da u Aibor Surong haka minit kaba 55′.

Ka lahduh haka Lower Division ka la ioh iaka song pisa ryngkat kaba 30 hajar tyngkat katba kaba wan ba ar ka ioh khur 20 hajar tyngka. Katba ka lahduh haka Upper Division ka la iohrah iaka song pisa kaba 40 hajar tyngka katba kaba wan ba ar ka ioh iaka song pisa kaba 30 hajar tyngka.

Haka Lower Division iaka nam Best Player la ioh da u Mebanker Hayong (Namrhen Ryntih SC), Best Goalkeeper da u Foremos Mannar (Youth Fellow Club Trangblang SC) bad nam Top Goal Scorer la ioh da u Sanki Mukhim (Amlanai SC).

Haka Upper Division iaka nam Best Goalkeeper la ioh da u Khan Kassar (Pamtbuh SC), Top Scorer da u Hesperious Pohsngap (Amutong SC) katba ka nam Best Player la ioh da u Kyntu Nongwa (Pamtbuh SC).