Rah ka Low Level FT iaka nam lahduh ka 1st Lurshai Hynniewta 7-A-Side Football ka KSU Wapung

Syllad | The Rising MeghalayaApril 18, 2021

Ka Low Level FT ka la ïohrah ïaka nam lahduh haka lympung ïalehkai “1st Lurshai Hynniewta 7-A-Side Knock Out Football Tournament 2021” ba la pynïaid da ka Khasi Student Union (KSU) Wapung Unit. Kane kala wan hadien ba ka Low Level FT kaba na Wapung kala pynliem da 3-1 kol ïaka Laibait FT kaba dei ka kynhun na shnong Rymbai haka jingiakhun phainal kaba la long ha madan dong Moopynïein, Wapung Skur, Wapung haka sngi Saitjaiñ.

Ïaka nam Best Player da ïoh rah da u Sanki Dkhar bad ïaka nam Best Goalkeeper da ïoh rah da u Dathrang Sutong kiba dei ki rangïalehkai jong ka Low Level FT.

Ïa kane ka lympung la wan ban pynhap pyrda ïaka da u Betly Dkhar haka jingïadonlang u Happy Rymbai, u Waheh Shnong ka Wapung Skur u Satly Ryngkhlem, u Streamly Suchen, u President KSU NEHU u Pynshai Kupar Dkhar, President KSU Lad Rymbai Unit u Donbok Mukhim, u Assistant Finance Secretary KSU Jaintia Hills District Unit, u General Secretary JSU Teibor Suchen, u Damewanhi Rymbai bad kiwei kiwei.

Ka KSU Wapung Unit ka la khublei kyrpang ïaki nongialam bad nongkitkam jong ka dong Moopynïein kiba la shah sngewbha ïaka KSU ban pynlong ïaka lympung kaba jop ha madan dong jong ki.