Rah ka Laitjem iaka 2nd District League T20 Cricket Tournament ka EKH Cricket Association

Syllad | The Rising MeghalayaMarch 7, 2023

Ka kynhun ialehkai jong ka Laitjem ka la lah ba kan pynliem noh da 3 wicket pyrshah ia ka Hurdles Cricket Club ha ka phainal ka lympung ialehkai 2nd District League T20 Cricket Tournament  2023, ba la pynlong ia ka da ka East Khasi Hills Cricket Association, ha madan ialehkai jong ka Shortimai Syiem Stadium, Smit.

Ha kane ka jingiakhun ka Hurdles CC kaba la jop iaka toss ka la kam trai da kaban tied nyngkong ha kaba ka la lah ba kan kamai 105 run hadien ba ka la hap noh baroh ki wicket ha ka 19.3 over.

U Standy Stone Kharshandi u la lah ban kamai 31 run ba la wan na ki 25 tylli ki bol, katba u Arnold Shadap  u laioh ban khur 4 wiket nakabynta 20 run na ki 4 over bud sa u Mebanshan Kharsati uba la ioh ban khur 2 wicket naka bynta 12 run na ki 3.3 over.

Haba la dei pat ka pali ban wan beh ia kane ka thong, ka kynhun ka Laitjem CC ka la lah ba kan kamai 106 run hadien ba ka la hap noh 7 wicket na ki 19.5 over, ha kaba u Mebanshan Kharsati u la lam khmat ia ka kynhun ban kamai 26 run ba la wan na ki 29 tylli ki bol, katba na ka liang ki nong kawang bol jong ka  Hurdles Cricket Club u Ricky Stone Nongbet u la ioh ban khur 2 wicket naka bynta 17 ron na ki 4 over bad Nangkiewkupar Disiar 1 wicket nakabynta 12 run na ki 4 over.

Ha kane ka kynti jong ka jingiakhun ia ka nam player of the match la khur ia ka da u Mebanshan Kharsati bad Player of the Tournament ka leit sha u Rickystone Nongbet.