Rah ka kynhun na Assam iaka 10th North East Zone Shooting Championship

Syllad | The Rising MeghalayaSeptember 1, 2023

Ka kynhun ki nongialehkai jong ka Assam, kila rah ia ka nam lahduh ka lympung iakop siat suloi bad pistol- Ka 10th North East Zone Shooting Championship 2023 kaba la long naduh ka 20 haduh ka 27 tarik mynta u bnai Nailar kaba long ha Assam Regimental Center, Thembasuk (Happy Valley), Shillong.

Ha kane  ka kynti, ka kynhun ialehkai ka Assam ki la ioh ba kin khur haduh 27 tylli ki takma ksiar, bad mar 13 tylli ki takma rupa bad rnong, ka jylla kaba wan ba-ar dei ka ka Mizoram kaba la ioh ba kan khur 18 tylli ki takma ksiar bad 10 tylli ki takma rupa bad 9 tylli ki takma rnong, ka Assam Rifles Marksmen unit kala wan ba lai bad kala la ioh ban khur 12 tylli ki takma ksiar, 8 tylli ki takma rupa bad 9 tylli ki takma rnong.

Haba phai sha ka kynhun ialehkai jong ka Meghalaya, ka la ioh ba kan kur 3 tylli ki takma ksiar, 6 tylli ki takma rupa bad 4 tylli ki takma rnong.

Ia kane ka jingiakob la pynlong ia ka da ka Shooting Association of Meghalaya (SAM)  hapoh ka jingpeit bad pyniaid ia ka da ka synjuk National Rifle Association of India. La iarap ban bei pisa ia ka da ka tnat Directorate of Sports & Youth Affairs bad kumjuh da ka North Eastern Council.

U kongsan ba la don lang ha ka sngi ba pynkut ia kaneka jingiakob dei u Peter JP Hanaman, IPS, Retd, Member, Human Rights Commission, bd DGP ba la shongthait ka jylla bad u symbud kongsan dei u Col.BS Rawat, Deputy Commandant, Assam Regimental Center.

Kiwei kiwei pat ki kynrem ki lyndan kiba la wan ban ia sakhi lang ki kynthup iaka  S.Lalthangzo IES, Economic Advisor, NEC, u bah  PB War Nongbri, Assistant Director (DSYA), Treasurer MSOA bah Ksan Warjri ryngkat ki technical official jong ka NRAI, ki player bad ki coach jong ki 6 tylli ki jylla ka thain ba la wan ban iashim bynta sha kane ka jingiakob. La pynbna ruh ba ka ka Nagaland kan pynlong ia kane 11th North East Zone Championship ha u snem 2024