Rah ka Ehrngiew FC iaka Invitation Football ka Wahiajer SC

Syllad | The Rising MeghalayaApril 7, 2022

Ka Ehrngiew FC kala ioh ban rah iaka nam lahduh ka 6th Open All Invitation Football tournament jong ka Wahiajer Sports Club.

Kane kala wan hadien ba kala lah ban pynliem da ka 3-0 kol iaka YBSC Shella haka jingiakhun final kaba long haka sngi Balang ha madan ialehkai ka shnong Wahiajer.

Baroh lai kine ki kol la thep da u Robert Khongjoh (23, 60, 66) kaba la biang pura iaka Ehrngiew ban rah iaka nam lahduh.

U Robert ula ioh khur ruh iaka khusnam man of the match bad ka kynhun Ehrngiew FC kala rah iaka iaka song pisa T. 2 lak bad ka trophy, ka YBSC Shella kala rah T. 1 lak.

Ka nam best player la ioh da Henry Myrboh, best goalkeeper la ioh da u Eric Nongkhlaw kiba na ka Ehrngiew FC bad ka nam top scorer la ioh da u Samson Nongrum naka Azariah FC

La sakhi ia kane ka final da u Myntri sorkar uba long ruh u MLA ka thain Nartiang u ma Sniawbhalang Dhar kum u kongsan, u MLA Jowai Ma Wailadmiki Shylla kum u symbud kongsan ha ryngkat ka jingiadonlang ki MDC ka JHADC, ki nongialam ka Wahiajer SC bad kiwei kiwei.