Rah ka Dulong bad Shnongpdeng iaka U12 CM football ha West Jaiñtia

Syllad | The Rising MeghalayaMarch 28, 2019

JOWAI: Ka Dulong FC bad ka Seng Samla Shnongpdeng SC kila rah ïaka nam lahduh haka District Level U12 Chief Minister Open Football Tournament kaba hap haka Chief Minister Youth Development Scheme kaba pyniaid da u DSO, West Jaiñtia Hills District ha Kiang Nangbah Stadium.

Kane kala wan hadien ba ka Dulong FC kala pynliem da 5-0 ïaka Govt. LP School Nongkynrih haka jingiakhun final jong ki khynnah shynrang, katba ka Seng Samla Shnongpdeng kila pynliem ïaka Laskein LP School 1-0 na ki kynthei.

U Ma Lammat O Laloo, Hony, General Secretary West Jaiñtia Hills District Sports Association (WJDSA) ula kum u kongsan bad sam ïaki khusnam sha ki nongjop. Baroh ar tylli kine ki kynhun ba jop kin mihkhmat iaka district shaka state level ha sor Shillong.