Rah ka Dkhiah West iaka nam lahduh haka T20 Cricket ka EJDCA

Syllad | The Rising MeghalayaMay 28, 2022

Ka Dkhiah West kala ioh rah iaka nam lahduh haka T20 Cricket Tournament kaba pyniaid da ka East Jaintia District Cricket Association (EJDCA) hadien ba kala lah ban pynliem da 4 wicket iaka Iongkaluh haka jingiakhun final kaba long ha Mookhep haka sngi Saitjain.

Ha kane ka jingiakhun ka Iongkaluh kala jop iaka toss bad kala kam trai shuwa ban tied bad kala kamai 119/6 na ki 20 over

Haba la poi ka pali jong ka Dkhiah West ban beh iaka thong kala lah ban pyndep haka 19 over bad kala liem 6 wicket.

Ka khusnam man of the match la ioh da u Ebenezer Phawa uba la synniang 52 run naki 39 ball.

U kongsan Dr Phervision Nongtdu, principal ka Jaintia Eastern college ula sam iaki khusnam sha ki nongjop haka jingiadonlang ki nongialam ka EJDCA bad kiwei kiwei ki riew rangbah.

Ula ai mysniem iaki nongialehkai ban trei shitom bad ban long kiba iaineh bad pynleit jingmut haka jingialehkai ban jop haka jingim ialehkai. Ula iaroh ia u Kishan Lyngdoh u samla na district uba long u nuksa iaki kiwei khamtam eh ka jingioh lad ka jong u ban ialehkai ha ki lympung baheh kum ka Ranji Trophy ban mihkhmat iaka jylla.