Pyrshah u samla ba ai u Myntri Rangbah 1 Klur ïaka lanot eriong Odisha haba ka Jylla ka tyrkhong pisa

Syllad | The Rising MeghalayaMay 11, 2019

Kum uwei naki riew paidbah uba long ruh hakajuh ka por u nongshong shnong jong ka jylla Meghalaya nga sngew dei ban pynpaw iaka jingpyrshah kaba jur halor ka jingnong synñiang u Conrad Sangma shaka Jylla Odisha daka pisa T. 1 klur tyngka kum ka jingiarap naka bynta ka jingshah ktah katei ka Jylla haka Eriong Fani.

Ka pisa kadei ka jong u paidbah , kumta u Conrad umdei ban shu ai ei kumto sha kiwei pat ki Jylla haba tang ia ki paidbah ka jylla kim pat dap.

Balei um pynioh shwa iaka Tulop ki Nonghikai SSA, ka Tulop Ki Nonghikai Skul Deficit bad kiwei kiwei ki tnad sorkar kiba ym pat ioh tulop haduh mynta.

Hato ki paidbah ka jylla kiba la shah ktah haka Eriong bad kiwei kiwei pat ki jingshah lyngshop haka bor mariang ki la ioh neem iaki jingiarap? Lada ki ioh makna ruh nga la tikna ba ka jingioh kam iahap bad ka jingshah pynjulor..wat tang shipawa naka jingshah pynjulor ruh ym iahap.

Lada phi kylli iaka daw , khlem pep kin ong ba ka sorkar ka duna pisa. Lada ki duna pisa haduh katta katta balei pat ki ioh ban ai jingiarap sha kiwei pat ki jylla. Haba ai jingiarap sha kiwei ngi dei ban pynbiang shwa hala iing lajong. Lada tang ha iing lajong ruh ympat biang kumno ngi nud ban pyni sarong sha ka pyrthei ba ngi dap ngi biang.

U Conrad kum u nongialam udei ban sngewthuh ba ki dang don daki hajar ngut ki paid ka jylla kiba dang iap lynniar bad kiba dang donkam iaka jingiarap naka sorkar.. kumta kum u nongialam bad kum u kpa ka jylla udei ban pyndap pynbiang shwa iaka jingdonkam ki khun lajong hashwa ban iarap iaki wei pat ki longiing.

Halor kane ka bynta nga kum uwei na ki riewpaidbah nga pynpaw iaka jingpyrshah kaba jur iaka jingleh ka sorkar u Conrad bad nga kyntu iaki nongmihkhmat  ki jong ngi ba kin ia pyrshah jur iakane haka Dorbar kaban sawan.

 

Nangaibormi Sutnga, Iooksi, West Jaiñtia Hills District