Pyrshah sa ka Khliehrymphum Ladthadlaboh iaka jaka pynlang ñiut Jowai Municipal Board

Syllad | The Rising MeghalayaJune 27, 2022

Ka Khliehrymphum Ladthadlaboh Jowai hadien bala paw sha ki lad pathai khubor halor ka jingthmu pynlang ñiut ka Jowai Municipal Board (JMB) ha Rymphum kila pynpaw iaka pyrshah jur namar ba kan ktah iaka koit ka khiah u briew bad ka sawdong sawkun ka jaka.

Ka Khiliehrymphum, Ladthadlaboh ha u kyrwoh bala phah sha u syllad.com kala ong ba kum ka dong ka pyrshah jur ia kane ka jingthmu jong ka Jowai Municipal Board ban shna iaka jaka pynlang ñiut ha Khliehrymphum namar ba kan ktah iaka sawdong sawkun ka jaka bad ka koit ka khiah u briew nalor baka long ka jaka kaba don harud ka wahduid wah Rymphum bad tuid lyngba ka Myntwa Myntdu.   

Lada shna ia katei ka jaka pynlang niut ha kane ka jaka kan ktah ruh iaka tyllong umbam umdih kiba don ha syndah kane ka jaka bad ki longiing jong ki briew.

Also Read | Hapoh shnong thmu pynlang ñiut ka Jowai Municipal Board, pyrshah ka Mookyrdup

Kane ka jingthmu jong ka JMB ban pynlang ha kane ka jaka ka dei kaba la shu leh bor khlem ka jingiasyllok bad u paid nongshong shnong ka Khliehrymphum, Ladthadlaboh.

Shuh shuh ka Khliehrymphum, Ladthadlaboh ka pynshai paidbah ruh ba kane ka jaka kaba thmu ka JMB ban shna iaka jaka pynlang ka hap hapoh u pud u ang ka Khliehrymphum Ladthalaboh kaba dang peit da ka Ladthadlaboh Dorbar Shnong.

Ka Khliehrymphum, Ladthadlaboh ka dawa mardor naka Jowai Municipal Board ban sangeh shisyndon ban tei ia ka jaka pynlang ñiut lym kumta ki nongshong shnong kin shim da kiwei pat ki rai.