Pyrshah ka Wahiajer SSC bad ki nongshong shnong iaka public hearing pynheh par maw bad pynmih bording ka karkhana dewbilat

Syllad | The Rising MeghalayaAugust 18, 2023

Ka Wahiajer Narpuh Social and Sport Club ryngkat bat ki nongshong shnong jong ka Wahiajer Narpuh kala pyrshah jur halor ka jingthmu ka MSPCB ban khot ia ka jingpynsngew paidbah lane ka public hearing na ka bynta par maw clinker (dew sain dewbilat) bad ka jaka pynmih bording ka Meghalaya Cement Ltd.

U kyrwoh bala phah ki nongshong shnong haka sngi Thohdieng, ka ong “Ngi pyrshah jur iakane ka public hearing kaba la ai NOC da Rangbah Shnong Wahiajer, Ma Sibren Sumer khlem da khot iaka dorbar Shnong. Ngi khot kyrpad ruh ia phi ki sengbhalang, ki para shnong, para marjan shnong bad kino kino ki bym sngew iahap ia kane ka Public Hearing ban sa pynlong da ka M/S Meghalaya Cement LTD haka 24/08/23 naka bynta ka “Expansion of Cement & Clinkerization Plant From 2600 TPD (0.858 MTPA) To 4500 TPD (1.485 MTPA) With 10 MW CPP and 9.5 MW WHRS.”

Ka daw ba ngi pyrshah ia kane ka Public hearing ka long ba kala jan palat na ka shnong jong ngi tang kumba 500 meter. Kiwei pat ki daw ka jingshah ktah jong ki nongshong shnong na ka jingwan jong kine ki karkhana dewbilat, kata naduh ka jingkyrduh umbam umdih bad kiba bun ki tyllong kila julor bad ym mbit shuh ban dih bad syllen ki khlaw ki btap.

Kyntu ka KSU Narpuh iaka MSPCB ban pynsangeh iaka public hearing pynheh par clinker bad pynmih bording ka karkhana dewbilat

La ong ruh ba ka lyer ba pynmih na kine ki karkhana ka long kaba sniew palat haduh katta katta ka ktah palat ban ring mynsiem khamtam iaki khynnah khyllung. Ki jingpang ba bunjait kiba la sar ha kane ka thain naduh ba wan ki karkhana ki dei ka Chronic bronchitis,  Asthma, Emphysema, Lung cancer, pneumonia, Tuberculosis, Shortness of breath, cough, wheezing, Seizures, Chest pain, irregular heartbeat, swelling in your leg and feet, high B.P, eye irritation, skin allergies, anxiety, fatigue, heart burn/indigestion.

Ka jingshah ktah ka rep ka riang naduh ba wan kine ki factories ki khyndew ruh ki la sniew na ki pumpum ba wan mih na kane ka factory. Ki dieng ki soh ba ngi ju ioh mynta laduh lut baroh khoit.

Kumta ka shnong Wahiajer Narpuh bad ka Sports Club kala kyntu iaki paidbah bad sengbhalang ban wan kyrshan iaki ha kane ka sngi pynlong public hearing