Pyntip ka DC East Khasi Hills ba donkam Aadhaar ban ioh skhim Sorkar Pdeng

Syllad | The Rising MeghalayaMarch 14, 2025

Ka Deputy Commissioner, East Khasi Hills District ka pyntip ba ia kiba bun ki skhim na ka Sorkar Pdeng kum ka ICDS nutrition POSHAN 2.0, CM Care pension, PMAY(G) iing baduk, scholarship khynnah pule, MHIS (Smart Card), MGNREGA, NFSA (khaw rashon), NSAP (bai bam tymmen), LPG connection bad kiba bun kiwei pat ki skhim ka donkam ban don ia ka Aadhaar card.

Kumta la kyntu ia ki paidbah ki bym pat don Aadhaar card ba kin aplai noh mardor na ka ophis ka Deputy Commissioner, Shillong, lane lyngba ki ophis ki Block Development Officer lane lyngba ki Special Camp ba la pynkhreh ha ki post office da kaba wanrah ryngkat ia ki dur EPIC (Voter ID) bad syrnot sngi kha.

Na ka bynta kito kiba hapoh ka 15 snem rta, ki dei ban wanrah ia ki Schedule Tribe Certificate, Birth Certificate lane ki Aadhaar card jong ki kmie ki kpa.

Katba na ka bynta kito kiba la don lypa ia ki Aadhaar card la aijingmut ban pyndep ia ka jingpyniasoh ia u Aadhaar bad ka e-KYC ha ki ophis bad Special Camp. Ki ophis jong ki Block Development Officer ki la pynlong ruh ia ki special camp. Ia ki jingtip ba kham bniah lah ban leit lyngba ka ophis jong ka Deputy Commissioner nae Block Office.