Pynthymmai nongkitkam ka Seinkur Dkhar ha ki lai elaka ha East Jaintia Hills
Ka Seiñkur Dkhar 3 Elaka kaba treikam hapoh Elaka Sutnga, Nongkhlieh bad Sumer haka General Meeting ba 17 jong haka 16 atrik Nohprah kaba long ha Jalaphet Pyllun East Jaintia Hills District kala pynthymmai iaki nongkitkam ka kur.
La pyniaid iaka jingialang da u president ka Kur Waheh u Ma Samson Dkhar naka shnong Sutnga bad la pule iaki agenda da u General Secretary ka Kur da u Ma Vincent Dkhar naka Shnong Mulait.
La ioh iaki kyntien pdiangburom naka longkmie jongka kur ka Kong Clara Dkhar na Jalaphet, la ioh ruh iaki kyntien sneng kyntien kraw ba nyngkong na u Ma Mondaystar Dkhar naka shnong Jarain Sutnga ha kaba u la kyntu iaki para kur Dkhar kumno ban “Im Tip Briew tip Blei, Tip Kur tip Kha bad ban imhok im sot katba dangim hangne ha sla khyndew pyrthei.
Ka kong Perina Dkhar naka shnong Tluh kala pynkynmaw iaki nongseng iaka Seiñkur, kala kyntu iaki khun samla jong ka kur kumno ban long ki briew kiba don ki jingthmu kiba bha bad kiba kham shalor bad pule ruh iaka Motto jong ka Kur “Kur Dkhar Shirup Deilang”. U Ma Rollingson Dkhar naka shnong Jalaphet ula kren halor ka phang “Burom kylliang” da kaba u pynkynmaw iaka Kur Dkhar baroh kawei ba barabor ngi dei ban burom ia kiba halor bad khamtam iaki kmie ki kpa bad khamtam iaki khun samla jongka kur ba kin kiar ialade naka shongkha ba sang. La ioh ruh iaka jingkren na u Ma Shaniahskhem Dkhar president Seiñkur Dkhar Wapung Circle
La pynphuh pynphieng ia kane ka jingialang daki jingshad kolshor naki khun jong ka kur kiba kynthup naduh Shong Jalaphet, Lumthari (Nongkhlieh) bad ki heb rit naka Seinkur Dkhar Jalaphet Pyllun. Ha kane ka General meeting ka Seinkur Dkhar kala pynthymmai ruh iaki nongkitkam jongka naka bynta u snem 2024- 2025 kiba long Kumne harum.
La jied president ia u Ma Victor Dkhar, vice president u Ma Kyrshanlang Dkhar, general secretary u Ma Mondaystar Dkhar, assistant secretary kong Increase Dkhar, Treasurer kong Maiantis Dkhar, auditors Phrangki Dkhar bad Deibor Dkhar, ki advisers kong Perina Dkhar, Ma Mathew Dkhar bad kong Neris Dkhar. La jied 63 ngut ki dkhot Executive Members jong ka kur.
Shwa ban pynwai ia ka general meeting laioh jingkren lyngkot na u Kongsan ha kane ka sngi u Ma Teras Dkhar u ba bat mynta kum u president ka Seinkur Dkhar East Jaintia Hills District bad haka juh kapor u Kongsan u la pyllait paidbah iaka Lucky Draw kaba la pynlong ha kane ka sngi. Laioh iaka jingkren ai khublei na u Ma Hendro Dkhar naka Shnong Jalaphet.
Facebook
Instagram
Youtube
Twitter
Leave a Reply