Pynthymmai iaki nongkitkam ka JNC-Khliehriat Circle

Syllad | The Rising MeghalayaJanuary 20, 2024

Ka Jaiñtia National Council (JNC) hadien bala kut ka samoi treikam ka Khliehriat Circle haka 20 tarik Kyllalyngkot kala pynthymmai bad pynskhem noh iaki nongkitkam ka circle haka jingialang kaba long ha ophis treikam ka JNC ha Khliehriat.

Ka JNC da kawei ka sur kala jied ia u Shanborlang Bamon kum u president bad ia Diamon Bareh kum u general secretary.

Iaka jingialang pynskhem ia ki nongkitkam thymmai la pyniaid da Assistant Secretary bah Allmiki Ryngkhlem ryngkat bad ka jingpdiang burom iaki nongialam bad dkhot ka Circle ha ryngkat ka jingiadon lang ki nongialam ba ha khliehduh ka CEC u Bah Sambormi Lyngdoh president, bah Wanshwa Suting general secretary, ki vice president bah Ency Shadap bad bah Nangjan Dkhar bad u publicity & information Secretary bah Mebanteilang Sukhlaiñ.

U President JNC bah Sambormi Lyngdoh haba pynskhem iaki nongkitkam ba thymmai u la ong ba ka Khliehriat Circle ka dei kawei na ki Circle kaba long kum ka sharak ka jingshai ia kiwei pat namar ha kane ka Circle ki mih kita ki nongialam ba kynsai kiba long ruh kiba lah nang lah stad ban ai iaka jingshakri kaba pura iaka Ri bad ka Jaidbynriew. Ula Ong ruh ba mynta ngi hap ban husiar bha namar ki don kita ki langiong kiba kup snieh langbtot hapdeng jong ngi kiba pyrshang ban pynsniew dur iaka jingmut jingpyrkhat bad ka jingthmu ban ialam ruh shaka lynti kabym dei hok bad ka imlang ka sahlang, te lada ngi ngop kin mih sa tang ki nonglilam ym shuh ki nongialam. Ula kitbok kitrwiang ruh iaka Circle bakan nang iai shakri hok bad ieng skhem haka nongrim ba kaei ka seng ka juh hikai.

Kine harum ki nongkitkam ba thymmai ka Khliehriat Circle:
President- Shanborlang Bamon
Vice President – Synjoy Bareh
General Secretary – Diamon Bareh
Assistant Secretary – Trebor Shylla
Organizing Secretary – Miki Talang
Sport Secretary – Miki Bamon & Lionel Dkhar
Education Secretary – Damian Suja
Publicity & Information Secretary – Nubo Sumer & Pyniolad Muksor
Finance Secretary – Rimiki Dkhar
Art & Culture Secretary – Shanbor Langstang
Discipline Secretary – Rowlandson Pale
Office Secretary – Jerry Nongtdu
Environment Secretary – Fourly Talang

Executive Member:
Rimiki Swer
Fast Swer
Kitboklang Mulat
Philan Syih
Phidamon Langstang
Ajay Dkhar
Emiwell Lamare
Deciding Bareh
Jackson Sumer
Wing Chyrmang.