Pynthikna u Lat ka Jylla ban ai jingkyrshan pura ban pynkhlain ia ka MHRC

Syllad | The Rising MeghalayaNovember 9, 2024

U Chairperson ka Meghalaya Human Rights Commission (MHRC) u Justice T Vaiphei ha ka 8 tarik u Naiwieng u la pynlong ka jingleit jngoh ia u Lat ka Jylla u CH Vijayashankar ha Raj Bhavan.

Ha kane ka jingiakynaduh, u Lat bad u Chairperson ka MHRC ki la iakren halor kiba bun ki mat kiba iadei bad hok longbriew manbriew (Human Rights) kiba ktah ia ka Jylla, kata da kaba pynleit jingmut kyrpad ban iada ia ki hok jong ki kynhun kiba rit bad ban pynthikna ba ka hok kan long kaba lah ban ioh da baroh.

U Chairperson u la aijingtip ruh sha u Lat halor ki kam kiba dang shen jong ka Commission bad kumjuh ruh ia ki sienjam ba la shim ban weng ia ki jingeh ha kaba iadei bad ka hok longbriew manbriew ha ka Jylla.

Na ka liang u Lat u la iaroh ia ka jingtrei borbah jong ka Meghalaya Human Rights Commission ha ka ban pynneh ia ka longbriew manbriew bad ban iada ia ka hok jong ki nongshong shnong.

Nalor kata u la pynthikna ia u Chairperson ba un ai ka jingkyrshan kaba pura na ka bynta ban pynkhlain ia ki jingtreikam jong ka Commission ban pynthikna na ka bynta ka bha ka miat jong ki paidbah nongshong shnong ka Jylla.