Pynskhem bad pynthymmai ka JSU Central Body ia ki nongkitkam ba thymmai jong ka Narpuh Circle

Syllad | The Rising MeghalayaNovember 9, 2024

Ka Jaintia Students’ Uniopn (JSU) Central Body haka 9 tarik Naiwieng kala pynskhem ia ki nongkitkam ba thymmai jong ka JSU Narpuh Circle ka ba long haka jingialang kaba long haka shnong Mynkre, East Jaintia Hills.

Ia ka jingialang ba lyngkot la pyniaid da u Ryngkatbor Diengdoh (Disciplinary Secratary Central Body) ka seng bad la ioh ia ki kyntein sneng da u Ex – President ka seng uba long ruh ha kajuh ka por u Adviser ka seng u Elnathan Pale ki jingkren lyngkot na u Livingson Sama ( President Khliehriat Circle), bad ruh na u Tricky Mukhim (Finance Secretary Central Body).

U president JSU Jersom Shylla haba kren halor ka nongrim jong ka seng bad ruh u banjur ha ka ba iadei ban ia tylli ki dkhot ka seng ki ba don ha kylleng ka ri Jaintia. Ha kajuh ka por u la pynbam smai bad pynskhem ia ki nongialam ba thymmai jong ka Narpuh Circle bad u kitbok kitwriang ia ki ba kin trei shitom ia ka kam jong ka jaidbynriew. La ioh ruh ia ka jingkren na ki nongialam ba thymmai ka Circle bad pynkut ia ka jingialang da u Andy Sumer (Office Secretary CB)

Ki nongialam ba thymmai jong ka Narpuh Circle ki long kumne harum.
President- Shri Franky Lamare
Vice President – Shri Mac Merald Suting
General Secretary – Shri Cherimiki War
Assistant General Secretary – Shri Firose Siangshai
Organising Secretary – Shri Leborious Pohshna
Publicity Secretary – Shri Fighting Pajuh
Sport Secretary – Lastborn Lamare
Education Secretary – Deibormi Mynthoi
Finance Secretary – Shri Heimonmi Tariang
Bad 10 ngut ki dkhot ka Executive Member.