Pynshlur u DC East Jaintia Hills ia ki nongshong shnong ban pyniasoh bad ka CM-Elevate Program

Syllad | The Rising MeghalayaOctober 12, 2023

U Deputy Commissioner ka East Jaintia Hills District, Khliehriat lyngba une u kyrwoh u wer ia ki nongshong shnong ka district kynthup ia kito kiba dei na ki society, kompeni, corporation, kynhun seng bad kiwei pat kiba la rejister kumjuh ia ki bym pat rejistar ia kiba la ithuh da ka sorkar jylla kum ki SHG, Village Organizations, Producer Groups bad kiwei pat ba kin aplai ia ka CM-Elevate Program ba la kyrshan da ka sorkar jylla kaba thmu ban aijingkyrshan ha ka liang ka sengkam seng jam bad ban kyntiew ia ki jingtreikam bapher bapher.

Kane ka dei ruh ka Single Window application portal kaba thmu ban lum jingtip ruh ha kaba iadei bad ki jingdonkam bapher bapher jong ki paidbah, kata naduh ka phang kaba iadei bad ka rep ka riang, ka thung ka tep, ri jingri, kam jngohkai bad kiwei pat.

Kino kino ki riew shimet bad ki kynhun na ka jylla kiba hapdeng ka rta 18-58 snem rta ki lah ban aplai da kaba leit lyngba ka CM-Elevate Portal, bad ka tarik ba khatduh ka long ha ka 31 tarik Risaw 2023.

Ka jingbishar bniah kan long halor ki nongseng kam lajong, ki kam ba ki trei mynta, ki jingioh jingiarap pisa ne loan, ka jinglong lakloi ban siew ia ki loan bad kiwei pat.

Ia ki jingtip kiba kham bniah bad na ka bynta ki lad jingiarap, ki nong aplai ki lah ban phone sha u Help Line No. 85880-52636 bad ki lah ruh ban pan jingmut da ka  e-mail lyngba ka e-mail address [email protected] (DPRO, Khliehriat).